Death Stranding 2 është rikthimi që shumë fansa të lojërave e kanë pritur me padurim. Pas suksesit të titullit të parë, Hideo Kojima na sjell një botë edhe më të errët, më komplekse dhe më sfiduese – ekskluzivisht për PlayStation 5.

Rikujtim i lojës së parë:

Lançuar në vitin 2019, Death Stranding solli një përvojë të pazakontë: eksplorim të thellë, sistem “social” online ku ndihmoje lojtarë të tjerë pa i parë kurrë, dhe një histori të mbushur me simbole, ndjenja dhe mister. Ishte një lojë që nuk i përshtatej të gjithëve, por ata që e dashuruan, e panë si një kryevepër.

Çfarë dimë për Death Stranding 2:

Në trailerin zyrtar të publikuar nga Kojima Productions, na paraqiten pamje që ruajnë atmosferën e zymtë dhe enigmatike të lojës. Sam Bridges është rikthyer, por ngjarjet duket se janë shumë më komplekse. Duket se lidhja mes të gjallëve dhe të vdekurve është thelluar dhe përfshin edhe më shumë teknologji dhe mister.

Risitë që pritet të sjellë:

• Grafika e përmirësuar për PS5

• Sisteme të reja ndërveprimi dhe gameplay

• Rreth më të gjerë personazhesh

• Muzikë e re, atmosferë më e errët dhe temat filozofike që vetëm Kojima di t’i trajtojë